१५ श्रावण, पोखरा । द आर्ट अफ लिभिङ पोखरा शाखाले गूरु पुर्णिमाको अबसर पारेर आज पोखरामा बृक्षा रोपण गरेको छ ।पोखरा केदारेश्वर मन्दिर परिसर कोमागाने पार्कमा कास्कीका प्रमुख जिल्ला अधिकारी कृष्ण बहादुर राउतले बृक्षा रोपण गरे पछि शुरु भएको बृक्षा रोपणमा एक सय ७ वटा विरुवा रोपीएको छ ।बेल , रद्राक्ष ,गुलमोहर , राजबृक्ष ,फलफुल लगायतका विरुवा रोपीएको आर्ट अफ लिभिङ पोखाराका संयोजक नरेश भट्टराईले बताउनु भयो । भट्टराईले पार्क झाँडीले भरीएको भन्दै अब शनिबार शनिबार स्वयमसेवक मार्फत सरसफाई गरीने बताउनु भयो । आफुले रोपेको विरुवाको पनि प्रत्येकले निगरानी राख्ने उहाँले बताउनु भयो । उहाँले बृक्षा रोपण गर्नु मात्रै ठुलो कुरा नभएर त्यसको संरक्षण गर्नु मुख्य भएको बताउनु भयो । कार्यक्रममा पोखरा उद्योग बाणिज्य संघका अध्यक्ष, विन्दु कुमार थापा , पोखरा पर्यटन परिषदका अध्यक्ष सोम थापा , पर्यटन ब्यबसायी , सामाजिक अभियन्ता , लगायत आर्ट अफ लिभिङका टिचर र स्वयसेवक हरुको उलेख्य सहभागीता रहेको थियो ।
